படுக்கையறை நிலைக்ககண்ணாடியில் ஒட்டிய உன் வட்டப் பொட்டுக்களும்
என் புத்தககங்களில் நீ முனை மடித்த பக்கங்களும்
ஒப்புக்கொள்ள மறுக்கின்றன

பிரியும் முன் நீ கொடுத்தது
கடைசி முத்தம் என்று.

நினைவுகள் நீயாகவும்
நீ நினைவுகளாகவும்
மாறிய பின்
பிரிகிறோமா சந்திக்கிறோமா என்பது விளங்குவதேயில்லை.

photo credit: Brenda-Starr
via photopin cc

வண்ணத் தாள்கள்

துரத்துவதற்கு சருகுகளின்றி
அனாதையாய் சுற்றுகிறது காற்று.

இளம் மூங்கில்களில் செய்த
வண்ணத் தாள்களில் பொலிகிறது அழகிய இயற்கையுடன்
நடுப்பக்கத்தில் வன மோகினியின் கவர்ச்சிப்படங்கள்.

காதலிகள் கண்ணீர் துடைத்தெறியும்
மெல்லிய தாள்கள் கீழே விழுகின்றன
மரக்கிளைகள் முறியும் சத்தத்துடன்.

photo credit: S.H.CHOW 

via photopin cc